شرايكم بوانيت رينجر فورد

اخوي سياره الرينجر نستخدمها عندنا بشركه الكهرباء  من موديلات 2011  اللي بالصوره موديلات اقدم 
نستخدمها سيارات ممتازة وخدومة استخدمنا الغماره العادي عزمها ممتازة بس تناقز كنها هايلوكس 
واستخدمنا الدبل حلوة تؤدي بالغرض نطلع جبال وننزل ببطون الاوديه كويسة
 التانكي لاصار فاضي يشيل 60 لتر  صرفيتها ممتازة  التكييف حلوة مو بارد مره ولا حار بس يبرد لاباس فيه 
الحراره ماتعرفها ابد بعض السيارات عندنا ماشي 180 الف ونكرفها 24 ساعه بحكم طبيعه العمل ولاتشتكي من شي 
والاهم من هذا كله  قطع السياره هي نفسها قطع مازدا المصنع واحد  بس حط شعار فورد بدال  مازدا   نفس الاكسسوارات وقطع الغيار واحد
 بس في حاله البيع مالها رغبه بالسوق  واي استفسار انا حاضر 

فيه واحد في اليوتيوب يحذر منها يقول مليانة عيوب صناعية

نفس كلام عاشق القهوه في رجال ف اليوتيوب يصيح منها صياح م يبيها ب ريال . 

مع الوالد ممتازة جدا ومريحة نفس اللي بالصورة

لكن لاتاخذ 4 سرندل خذ 6 سرندل فقط وهذي نصيحة الوالد لان ال 4 ميت عزمة ولاينفع وهو مجربها الثنتين

بالنسبة لقطع الغيار هي نفس قطع الغيار للونيت مازدا بالضبط بالضبط وهذا ماأكتشفه الوالد وهذا ريحه من عناء التعب والتدوير

ماادري هل بينهم شراكة او كانت نفس الشركة المهم انها نفس القطع بالملي ولانعرف التفسير

اخوي سند السياره مصنعها واحد للمازدا والفورد خط الانتاج واحد  اما بالنسبه للعيوب المصنعيه اتوقع بالشكل الجديد 2015 لكن الشكل اللي قبل هذا مافي مشاكل ابد 

يا اخوي انت حدد وش تبي ..؟؟ 
انت حاط صورة رنجر سبلاش الامريكي 
والشباب يتكلمون عن رينجر الياباني اللي هو مازدا 
اذا الامريكي قصدك رينجر سبلاش نصيحه لوجه الله 
ابعد عنها خراباته كثير وما له قطع صح انه قوي وعزم وماكينه 
٦ سليندر ضغط عالي بس مشكله ان قطع غيار نادر مو بس بالسعوديه
حتي بالكويت لأننا نشتري قطع الغيار من الكويت لان التشليح الكويت قريب 
علينا مسافة ١٥٠ كيلو والله ما نحصل واستعملنا الموتر من سنة ٢٠٠٤ ودوم واقف
وعطلان لحد ما باعوه اخواني قبل سنتين وارتحنا منه ومن اعطاله ركبنا له قير وركبنا 
له ماكينه وبعد مده وضبناه وركبنا دفرنش مع ان استعمال اخواني نظيف لا هم أهل سرعه
او تفحيط بس الموتر متعب ومو اي واحد يشتغل فيه . 
والمازدا عند جاري يذمه وما يمدحه ويقول اعطاله كثيره لحد ما باعه واشترا له ددسن 

صحيح الشكل إلى في الصورة ليس له علاقة بالمازدا هذا الرنجر الأمريكي موديل قديم ما يصلح بريال وقطع ما فيه 

أما الشكل إلى نزل بعده ويشبه المازدا فهو أفضل من سابقه وقطعه موجودة لكن برضه ما أنصحك فيه ، لديك خيارات أفضل 

من الونيتيات : هايلكس ، ددسن ، ميتسوبيشي ، ايسوزو . 

اشتري ددسن لو قديمه ولا اشتريه 

يعطيكم الف عافيه ودعيت لك شخص شارك برايه وفعلا الناس لبعضها 

عزيزي 
اذا الفرق واجد بالسعر عن الددسن او الهايلوكس خذها وتوكل على الله.

لكن عيوبها : 
1- عدم الراحة نهائيا ماهي حقت سفر او خطوط بس تناقز وجربنا جميع الحلول تنسيم الكفرات على 20 بس مافي فايدة.
2- تبريد المكيف زين بس حاول لاتوقف السيارة بالشمس لان داخليتها اسود ويمسك الحرارة.
3- العزم ماهنا عزم وماهيب حول الددسن والهايلكس.

اللي في الصورة هذا سيئ جدا وليس له علاقة بالمازدا
اللي بعده ممتاز جدا وهو المستخدم في شركة الكهرباء
طبعاً إنتاج شركة مازدا.